Masomoni California

Mureti na Mugiira wanapopata ufadhili wa kwenda kusoma katika Chuo Kikuu cha California, Marekani wanafurahi sana._x000D_
Wanaabiri ndege kwa mara ya kwanza na wanaajabia mengi wanayoyaona katika safari yao hadi Marekani. Lakini maajabu ya _x000D_
kweli yanawasubiri California wanakokwenda kusoma. Mapokezi na mlahaka mwema wanaopata kutoka kwa Profesa Kithaka unatiwa _x000D_
doa na wasichana wawili wa Kimarekani; Mary Anne na Brigit wanaotaka mapenzi ya lazima kutoka kwa Mureti na Mugiira._x000D_
Mary Anne na Brigit wanafanya mipango ya kuwateka Mureti na Mugiira, kwa bastola au hata kwa mkataba (kama alivyotekwa _x000D_
kijana mmoja wa Kiafrika aitwaye Mburia, kwa kulazimishwa mkataba wa mapenzi) “… kwa siku nyingi umekuwa ukinidanganya _x000D_
kwamba utanioa mara mjombako atakapokupatia kibali. Sasa chukua hii kalamu na karatasi uandike kwamba utanioa!”_x000D_
Je, Mureti na Mugiira watajinasua katika mtego wa wasichana hawa ili kutimiza ndoto yao ya masomo huko California? _x000D_
Wataweza kurudi Afrika ama watatekwa bakunja na utamaduni mpya wa Wamarekani? Watayaacha masomo watoroke au watafanyaje?_x000D_
Profesa Ireri Mbaabu ni mhadhiri wa lugha ya Kiswahili katika Chuo Kikuu cha Kenyatta. Ameandika vitabu kadhaa vya Isimu, _x000D_
na maendeleo ya lugha ya Kiswahili.